What happens in Vegas, stays in Vegas

"What happens in Vegas, stays in Vegas". Þessi frasi varð mér minnistæður þegar ég kom heim úr svokallaðri þingveislu í gærkvöldi en þrátt fyrir flensuskít lét ég mig hafa það og mætti. Þetta var fínt kvöld og með betri þingveislum sem ég hef farið í. Þingveislan er í raun árshátíð þingmanna þar sem forseti Íslands og frú eru heiðursgestir. Einkenni þessarar veislu er auðvitað að fólk má einungis tala í bundnu máli, og menn nýttu sér það óspart. Reyndar er þetta yfirleitt sama liðið sem fer upp aftur og aftur.

Flestar vísurnar voru nokkuð fyndar og margar voru með mjög svo eitruðum broddi. Mitt borð kom nokkuð vel út en Ellert, Kata Júl, Anna Stína og Gunna Ö. fóru öll með beittar vísur sem slógu í gegn. Eftir að þingmenn höfðu ort nægju sína voru síðan flutt nokkur tónlistaratriði sem unun var að fylgjast með.

En svo stigu þingmenn dans og það er, skal ég segja ykkur, sjón sem ég gleymi ekki í náinni framtíð.

Athugasemdir

[Haukur Nikulásson, 3.3.2007 kl. 09:27]

Láttu ekki svona Ólafur. Pssst. Út með það... bara svona okkar á milli... það fer ekkert lengra!

[Kolbrún Baldursdóttir, 3.3.2007 kl. 13:28]

Takk fyrir síðast, Ágúst, tek undir með þér, veislan var frábær.

[Sprelli (IP-tala skráð) 3.3.2007 kl. 15:46]

Eitt sinn baðst ég undan teiti vegna flensu sk.... ástæðan, tillitsemi við aðra veislugesti.

Gestgjafin fullorðin dönsk kona sagði að bragði við mig  að besta leiðin við að losna við flensu væri að mæta og gefa hana öðrum

[Magnús Ragnar Einarsson, 5.3.2007 kl. 10:11]

En hvað kostaði inn? Svona árshátíðir eru ekki ókeypis eða hvað?