Síðasta kvöldið?

Einhvern veginn fannst mér hún ekki nægjanlega traustvekjandi fullyrðingin sem ég heyrði í fréttunum í dag að „flestir“ eðlisfræðingar væru sammála um að heimurinn myndi ekki farast á morgun vegna öreindatilraunarinnar í Sviss. Sé einhver vafi þá tel ég heimurinn ætti að njóta hans.

Þessi staða setur líka öll átökin á þinginu í dag og í kvöld í sérstakt ljós. Kannski hefði maður bara átt að vera heim í kvöld með sínum nánustu. En í staðinn eyði ég hugsanlega síðasta kvöldi mínu á jörðinni með Álfheiði Ingadóttur, Steingrími Joð og Jóni Bjarnasyni.

Athugasemdir

[Ólína Kjerúlf Þorvarðardóttir, 9.9.2008 kl. 23:21]

Hvílík örlög ;)

En hver leyfir annars svona tilraunir eins og þessa í Sviss? Talandi um það að heimurinn eigi að njóta vafans. Hmmm....

[Helga Kristjánsdóttir, 10.9.2008 kl. 00:32]

Héldu ekki sæfarendur fyrri alda að þeir silgdu fram af, ja hverju?Verðum hér á morgun .

[Rebekka, 10.9.2008 kl. 08:10]

En ertu ekki feginn núna að vera enn lifandi?

LHC kominn í gang og allt í gúddí.

[Sigurjón Pálsson (IP-tala skráð) 10.9.2008 kl. 08:40]

Sammála þér þarna Ágúst Ólafur, þetta var ekki mjög traustvekjandi. 

Kannski er það bara við hæfi að maðurinn eyði jörðinni í tilraun sinni til að komast að því hvernig hún varð til!

[Hildigunnur Rúnarsdóttir, 10.9.2008 kl. 11:48]

aaaarghhhhh!!!  Og ég sem hafði alveg ágætis álit á þér...

[Guðbjörn Jónsson, 10.9.2008 kl. 12:20]

Það var fikt vísindamanna við frumkraftana sem sökkti Atlandis.  Kannski verður Sviss og stór hluti Evrópu á 1000 metra dýpi, en við á háslétta í stærra landi, eftir c. a. 1. mánuð, þegar áreksturinn á að verða.

[Höskuldur Sæmundsson, 10.9.2008 kl. 12:56]

Sælir:  Var ekki tortímingin áætluð eftir mánuð þegar þessar öreindir (sem skotið var af stað í dag) mætast?  Þannig að þú getur nú huggað þig við það að þú munt nú eiga nokkrar kvolití stundir með Ömma og senuþjófunum til viðbótar.

Hvernig var það, ertu enn að flytja okkur fréttir af Framnesveginum?

[Sigurður Þór Guðjónsson, 10.9.2008 kl. 17:39]

Þetta er nú bara alveg rétt. Ekki er hægt að fallast á tilraunir sem hugsanlega - þó mjög litlar líkur séu fyrir því en litlar líkur eru ekki engar líkur - fela í sér endalok ekki aðeins jarðarinnar, heldur alheimsins, segja sumir. Það er víst ekki neitt bull, það er mikil óvissa í þessu, enginn veit víst hvað mun geta gerst. Og það má sannarlega spyrja: Hver gefur leyfið fyrir þessu. Langflestir sem hafa bloggað um þetta gera það í hálfkæringi en sumir vísindamenn eru áhyggjufullir í alvöru. Líkur fyrir heimsenda vegna tilraunar verða blátt áfram að vera engar til að hægt sé að fallast á hana.

[Valsól (IP-tala skráð) 10.9.2008 kl. 22:45]

Ég hef ekki nokkrar áhyggjur af þessari tilraun, ekki neinar. Ég hef aftur á móti áhyggjur af einkavæðingartilhneigingu ríkisstjórnarinnar í heilbrigðiskerfinu. Við þig Ágúst Ólafur vill ég segja það eitt að ég ætla að segja mig úr Samfylkingunni á morgun og það ætla margir vinir mínir líka að gera. Þið eruð á vegferð sem okkur líkar ekki. Það vita allir hvernig þetta hefur farið með heilbrigðiskerfi Breta en samt viljið þið gera þetta hér á landi, hvers vegna? Er það kannski sannleikurinn að þið viljið fyrirgreiðslupólitík sem virkar þannig að þið getið hennt dúsu upp í vini og vandamenn og það verði heilbrigiðskerfið með öllum þeim peningum sem þar eru, sem fara næst? Að láta Sjálfstæðisflokkinn komast upp með þetta fyllti mælinn, ég mun aldrei kjósa Samfylkinguna aftur né vinna fyrir flokkinn!

[Hildur Helga Sigurðardóttir, 12.9.2008 kl. 01:36]

Verri hefði nú félagsskapurinn getað verið -að kvöldi hins hinsta dags.

(Ýmsir koma upp í hugann) 

Sumir hefðu nú samt valið fjölskylduna -bara svona til öryggis. 

En eftir að ég sá að Steven Hawkins, sem ég átti því láni að fagna að kynnast í Cambridge á sínum tíma, sagði að það yrði alveg örugglega ekki heimsendir, svaf ég bara þokkalega vel þessa nótt. 

[Gísli Hjálmar , 13.9.2008 kl. 18:02]

Ég hætti allavega að borga skuldirnar mínar - enda til hvers ef heimurinn er að fara til helvítis?

kv, GHs