Löggan og tálbeitur

Í dag mun ég leggja tvær fyrirspurnir á Alþingi til dómsmálaráðherra. Sú fyrri lýtur að svokallaðri nettælingu gagnvart börnum í kynferðislegum tilgangi en eftir sýknudóminn í Kompásmálinu er vafi um hvort slíkt sé refsivert samkvæmt núgildandi lögum eða hvort það þurfi að gera slíkt athæfi refsivert í sjálfu sér.

Seinni fyrirspurnin mín er tengd þessum málum en hún er um hvort tryggja eigi lögreglunni heimildir í lögum til að beita tálbeitum í baráttu sinni gegn barnaníðingum.

Að mínu mati snúast þessar fyrirspurnir um stór grundvallaratriði og verður spennandi að heyra í dag viðbrögð ráðherrans og annarra þingmanna til þessara álitamála.

Athugasemdir

[Guðrún Magnea Helgadóttir, 14.11.2007 kl. 15:02]

Í morgun átti ég spjall við alþingismann Frjálslyndaflokksins... Alþingismaðurinn sagði mér að Alþingi sem ég hélt að væri eftirlitsaðili með framkvæmdavaldinu, væri einungis löggjafi sem settu lög sem framkvæmdavaldið og dómsvaldið færi síðan eftir...

Málið sem ég færði Alþingismanninum var, sannleikurinn í Geirfinnsmálinu. Mál 214, sem var dæmt í Hæstarétti þann 22. febrúar 1980 án allra sannana... sjá , http://mal214.googlepages.com

[Guðrún Magnea Helgadóttir, 14.11.2007 kl. 15:07]

Ágúst Ólafur ... Hver er ábyrgð Alþingis á því að framkvæmdavaldið fari að lögum... Og hverjar eru rannsóknarskyldur lögreglunnar?

[Erna Friðriksdóttir, 14.11.2007 kl. 19:03]

Mér persónulega finst ekkert að því að lögreglan noti tálbeitur við að ná barnaníðingum. En aftur á móti verður þá lögreglan að vinna að heilindum þá á ég við ekki bara að svona málum heldur ÖLLUM ! !

[Harpa Oddbjörnsdóttir, 15.11.2007 kl. 11:17]

Sæll Ólafur, ég leitaði og leitaði á netinu í gær að þessum fyrirmælum rss en fann ekki neitt. Ég væri alveg til í að lesa þau og í framhaldi af því, fá að vita hvort þessar heimildir hafa verið nýttar. Veistu eitthvað um það ? Maður verður allavega ekki var við það.

"Björn Bjarnason dómsmálaráðherra sagði að nú þegar væri hægt að beita tálbeitum samkvæmt fyrirmælum frá Ríkissaksóknara frá árinu 1999, ef ætlað brot varðaði hið minnsta átta ára fangelsi. Í væntanlegu frumvarpi til laga um meðferð sakamála ekki gert ráð fyrir breytingum á þessum reglum. Alþingi geti hins vegar gert það í meðförum málsins"

Kær kveðja

Harpa Oddbjörnsdóttir