Flensan og skoðanakannanir

Er ekki bara einhver flensa í gangi hjá þjóðinni? Jákvæðu fréttirnar í þessari skoðanakönnun eru auðvitað að ríkisstjórnin er fallin. En það er alveg ljóst að við í Samfylkingunni ætlum okkur meira í kosningunum en það sem þessi könnun sýnir. Í aðdraganda síðustu alþingiskosninga árið 2003 toppuðum við í janúar og nú ætlum við að toppa þann 12. maí. En það vekur eftirtekt hversu margir eru óákveðnir í þessum könnunum sem er verið að birta þessar vikurnar.

Ég er annars bjartsýnn fyrir okkar hönd enda er hugmyndafræðin um frjálslynda jafnaðarmennsku okkar tromp. Með hækkandi sól og betri heilsu landans mun almenningur án efa fylkjast á bak við Samfylkinguna.

VG með meira fylgi en Samfylking

Athugasemdir

[Guðfinnur Sveinsson, 1.3.2007 kl. 18:23]

Ekki spurning! Flensan hefur sitt að segja, ég ligg hér heima sjálfur í einni slíkri. Við ætlum okkur hærra og förum hærra!

- Guffi 

[Hlynur Hallsson, 1.3.2007 kl. 22:09]

Já hættið þessu sleni og náið í nokkur atkvæði af djélistanum og þá er þetta innsiglað. Vinstri græn og Samfó geta farið í stjórn saman. Bestu kveðjur,

[Kristján Pétursson, 1.3.2007 kl. 22:18]

Eg vona að Jón Baldvin setjist í friðarstól,hætti að rugga Samfylkingarskútunni,það gætu einhverjir hrokkið fyrir borð.Hann ætti að ljúka við seinni bindi sinnar athyglisverðu æfisögu.

Nú er bara að bretta upp ermar ágætu þingmenn og framvarðarsveitir flokksins, það er svo auðvelt og skemmtilegt að vera másvari jafnaðarmanna.Fram til sigurs,hvergi hopa.

[Hjörtur J. Guðmundsson, 1.3.2007 kl. 22:55]

Ágúst, ég hélt að þú hefðir sagt um daginn að Ingibjörg Sólrún væri trompið ykkar í Samfylkingunni en núna er það s.s. frjálslynd jafnaðarmennska? :D

[Haukur Kristinsson, 2.3.2007 kl. 00:42]

en hamrið á því að stjórnin sé fallin en fylgi samfylkingar mun bara fara upp, því ekki sjalla og frammara??

[Tómas Þóroddsson, 2.3.2007 kl. 01:20]

Ég finn hvernig fylgið er að fara upp.

[Grétar Amazeen (IP-tala skráð) 2.3.2007 kl. 02:55]

hvernig væri nú að boða aðskilnað ríkis og kirkju

[Gísli Hjálmar Svendsen (IP-tala skráð) 2.3.2007 kl. 08:55]

Ágúst ... taka lýsi - það virkar, svínvirkar!

Beztu kveðjur,

Gísli Hjálmar

[Hjörtur J. Guðmundsson, 3.3.2007 kl. 11:36]

En já, ástæðan fyrir fylgisleysi Samfylkingarinnar er auðvitað sú að þjóðin er veik. Alltaf lærir maður eitthvað nýtt... ;)

[Púkinn, 3.3.2007 kl. 19:49]

Eru kjósendur Samfylkingarinnar semsagt sjúklingar?  Ussu...sussu...