Listi yfir nokkur verk ríkisstjórnarinnar

Það er fróðlegt að velta því fyrir sér hverju ríkisstjórn Samfylkingar og Sjálfstæðisflokks á tæpu ári hefur áorkað eða ákveðið að gera. Neðangreindur listi ætti að gefa einhverja hugmynd um það en auðvitað er svona listi ekki tæmandi og enn er margt ógert.  

1.    Skattleysismörkin hækkuð um 20.000 krónur fyrir utan verðlagshækkanir

2.    Skerðing tryggingabóta vegna tekna maka afnumin

3.    Afnám 24 ára reglunnar í útlendingalögunum

4.    Afnám komugjalda á heilsugæslu fyrir börn

5.    Skerðingarmörk barnabóta hækkuð um 50%

6.    Hámark húsaleigubóta hækkað um 50%

7.    Eignaskerðingarmörk vaxtabóta hækkuð um 35%

8.    Stimpilgjöld afnumin fyrir fyrstu kaupendur

9.    Stórbætt kerfi fyrir langveik börn og fjölskyldur þeirra

10.  Breytt tekjuviðmið í fæðingarorlofslögunum

11.  Ný jafnréttislög sett

12.  Fyrsta aðgerðaráætlun fyrir börn samþykkt - Unga Ísland samþykkt

13.  Húsnæðissparnaðarkerfi með skattafrádrætti fyrir 35 ára og yngri

14.  Tekjutenging launatekna 70 ára og eldri við lífeyri almannatrygginga að fullu afnumin.

15.  Frítekjumark vegna atvinnutekna ellilífeyrisþega á aldrinum 67-70 ára hækkað í 100 þúsund krónur á mánuði

16.  Dregið verður úr of- og vangreiðslum tryggingabóta

17.  Vasapeningar vistmanna á stofnunum hækkaðir um 30%

18.   Ellilífeyrisþegar verði tryggt að lágmarki 25 þúsund krónur á mánuði frá lífeyrissjóði

19.  Aðgerðir sem skila öryrkjum sambærilegum ávinningi verða undirbúnar í tengslum við starf framkvæmdanefndar um örorkumat og starfsendurhæfingu.

20.  Skerðing lífeyrisgreiðslna vegna innlausnar séreignasparnaðar afnumin

21.   Námslánakerfið verður yfirfarið með aukið jafnræði að markmiði

22.  Skattar á fyrirtæki lækkaðir

23.  Atvinnuleysisbætur verða tryggðar hækkun

24.  Framlög til símenntunar og fullorðinsfræðslu aukin

25.  Þreföldun á fjármagni í heimahjúkrun á þremur árum

26.  Skoðað hvort lágmarksframfærsluviðmið verði sett í almannatryggingarkerfið

27.  50% aukning á fjármagni í Fjármálaeftirlitið á milli ára

28.  60% aukning á fjármagni í Samkeppniseftirlitið á 2 árum

29.  25% aukning á fjármagni í Umboðsmann Alþingis á milli ára

30.  Fjárframlög til Mannréttindaskrifstofu Íslands tryggð á fjárlögum

31.  Aðgerðir gegn kynbundnum launamun boðaðar

32.  Ýtt undir nýja atvinnulífið m.a. með umhverfisvænum en orkufrekum iðnaði

33.  Hafin vinna við rammaætlun um umhverfisvernd

34.  Tæplega helmingsaukning á fjármagni til samgöngumála milli ára

35.  40 milljarða króna afgangur af ríkissjóði af fyrstu fjárlögunum sem Samfylkingin á aðild að.

Athugasemdir

[Rauða Ljónið, 27.2.2008 kl. 11:34]

Sæll,  Ágúst Ólafur Ágústsson alþingismaður og varaformaður Samfylkingarinnar

 

32.     Ýtt undir nýja atvinnulífið m.a. með umhverfisvænum en orkufrekum iðnaði.

 

        Stefna Samfylkingarinnar í umhverfismálu er að auka útblástur á CO2.

     Það hefur komið fram bæði í orði og riti hjá iðnaðraráð herra og umhverfisráðherra.

      Sýni þér dæmi frá fræustu sérfræðingum í umhverfis málum

Fróðleikur  um losun Co2 og áhrif þess á umhverfið.

 

• Um 80% af þeirri orku sem er nú notuð í heiminum kemur frá jarðeldsneyti úr jörðu.    
• Notkun jarðefnaeldsneytis er helsta uppspretta gróðurhúsaáhrifanna á jörðinni. Stern-skýrslan og IPCC-skýrslan leggja því áherslu á  nýtingu annarra orkulinda en jarðeldsneytis sem þátt í að draga úr gróðurhúsaáhrifunum á Hnattræna vísu.
• Losun koltvísýrings frá raforkuframleiðslu úr jarðeldsneyti til álvinnslu er rúmlega 110  milljón tonn af CO2 á  árið 2007.
• Farþegaflug ferðarmannaiðnað og vöruflug, þ.e. flug frá og til Íslands og innanlands nemur um 4.0 milljónum tonna af CO2, sem er svipuð og losun.
• 16 álvera á CO2 eins og þau eru hér á landi. Hvert tonn af áli sem framleitt er á Íslandi eða 790 þúsuna tonn með raforku úr vatnsorku  í stað raforku úr jarðeldsneyti sparar andrúmsloftinu 13,4 tonn af koltvísýringi. (  790 þúsund x 13,2 CO2 ) = 13.4 milljóna af CO2 sparnaður á hnattræna vísu.                                       
• Verði álframleiðsla á Íslandi komin í 1,0 milljón tonn á ári .Til þess þyrfti nálægt 16 TWh/a (terawattstundir á ári), reikað í orkuveri, t.d 12 úr vatnsorku og 4 úr jarðhita. Orkulindir okkar ráða vel við það. Sú álvinnsla sparaði andrúmsloftinu 13.2 milljón tonn á ári hnattrænt  borið saman við að álið fyrir utan þess sem kæmi til baka í sparnaði væri framleitt með rafmagni úr jarðeldsneyti sem losar 14,2 tonn CO2 á framleidd tonn af áli.
•  

Getur einhver annað ríki sparað mannkyninu 5-falda núverandi losun sína?      Við verðum að muna að það er heimslosunin ein sem skiptir máli fyrir gróðurhúsaáhrifin. Ekki hvar í

heiminum hún á sér stað.

 

Þetta kemur greinilega fram bæði í Stern-skýrslunni og IPCC-skýrslunni og svo öðrum skýrslum og viðurkenndum rannsóknum sem lúta að sparnaði á CO2.

Það hljóta allir skynsamir menn að sjá.

 Skynsömum mönnum getur skjátlast en þeir viðurkenna mistök sín ef þeim skjátlaðist,  ef þeir eru skynsamir. Ég vona að umhverfisráðherra og iðnaðarráðherra og þingmenn séu allir skynsamir menn og vinni þjóð sinni og heimsbyggðinni til heilla og skoða málin án þessa að láta einkapólitísk sjónarmið og pólitíska hugsun ráða ferðinni og fari að skoða umhverfismál á hnattranavísu ekki pólitíska eins og VG og Samfylkingin hafa gert hingað til og þar með ekki hugsað að verndun  andrúmsloftsins heldur frekar unnið gegn henni.

 Ísland er ekki eyland í umhverfismálum.           

Pólitískar vinsældaveiðar og lítt vísindalegar skoðanir sem nú eru efst á baugi mega ekki ráða ferðinni til að fá klapp á öxlina og X á kjörselinn það eru svik bæði við náttúruna og þær kynslóðir sem á eftir okkur koma..

 Íslendingar geta lagt stærri skerf af mörkum í baráttunni við þá vá sem öllu mannkyni stafar af gróðurhúsavandanum. Framlag okkar Íslendinga er að hafa þessa vinnslu hér á landi . Og við þurfum samt ekkert að óttast að eiga ekki aðgang að ósnortinni náttúru!

Þetta sýnir hvílík endaleysa það er að taka álvinnslu á Íslandi með í Kyoto-bókunina; starfsemi sem stuðlar að markmiði bókunarinnar en vinnur ekki gegn henni! Álvinnsla á Íslandi á ekki heima þar inni. Hvers vegna er flugumferð á Íslandi ekki þar inni og ferðariðnaðurinn sem er stærsta stóriðja íslands og mesti mengunarvaldurinn. Ferðaiðnaðurinn á Íslandi losar um 4.0 milljón tonn,af CO2, eins og 16 álver af þeirri stærða gráðu sem hér er.

Heimildaskrá:

Center for the Study of Carbon Dioxide and Global Chang

 

http://www.Co2science.org

http://www.world-aluminium.org/Home

http://en.wikipedia.org/wiki/Stern_Review

http://www.world-aluminium.org/

http://www.azom.com/materials.asp

http://www.eaa.net/eaa/index.jsp

http://search.treasury.gov.uk/search?p=Q&ts=treasury&mainresult=mt_mainresult_yes&w=Stern+Review

http://search.unfccc.int/query.html?col=fccc&qt=aluminium

 http://search.unfccc.int/query.html?col=fccc&charset=iso-8859-1&ht=0&qp=&qt=IPCC&qs=&qc=&pw=90%25&ws=1&la=en&qm=0&st=1&nh=10&lk=1&rf=2&rq=0&si=0                      IPCC

http://www.world-aluminium.org/cache/fl0000107.pdf

 http://www.world-aluminium.org/cache/fl0000169.pdf

http://www.germanwatch.org/

http://en.wikipedia.org/wiki/Climate_change_and_agriculture

http://en.wikipedia.org/wiki/Fossil_fuel_power_plant

http://www.newstatesman.com/200712190004

http://www.pmel.noaa.gov/pubs/PDF/feel2899/feel2899.pdf

http://science.nasa.gov/newhome/headlines/ast22jul99_1.htm

http://www.cru.uea.ac.uk/

http://www.globalwarmingart.com/wiki/Category:Galleries

http://climatecare.org/

http://en.wikipedia.org/wiki/Solar_variation

 

Kv, Sigurjón Vigfússon

[Gísli Baldvinsson (IP-tala skráð) 27.2.2008 kl. 11:35]

Takk fyrir þetta Ágúst. Gott að eiga þessa samantekt. Skyldi stjórnarandstaðan ekki vita af þessu? Kv að norðan...gb

[Ingibjörg Hinriksdóttir, 27.2.2008 kl. 13:12]

Glæsilegt Ágúst Ólafur ... Glæsilegt. Haldið áfram á sömu braut!

[Dísa Dóra, 27.2.2008 kl. 15:44]

Mér leikur nú samt forvitni á hvenær kosningaloforðið um lengri fæðingarorlof komi til??

Einnig mætti gjarna athuga að setja inn í lög um fæðingarorlof að viðkomandi hafi rétt til að safna LAUNUÐU orlofi á meðan á fæðingarorlofi stendur.  Í dag stendur aðeins að viðkomandi hafi rétt á að safna orlofsdögum og fara mörg fyrirtæki því í kring um þetta og veita ekki launaða orlofsdaga frá fyrirtækinu á meðan á fæðingarorlofi stendur.  Því eru margir sem standa í þeim sporum að hafa jú rétt á að taka fullt orlof eftir að úr fæðingarorlofi er komið en það er því miður ekki launað orlof.  Mjög slæmt fyrir foreldra sem oft eru neyddir til að taka fullt orlof vegna lokana á leikskólum til dæmis og fjárhagurinn jafnvel bágur eftir að hafa ekki verið á fullum launum á meðan á fæðingarorlofi stendur. 

[Sævar Einarsson, 27.2.2008 kl. 16:56]

Glæsilegur árangur, mig að vita eitt þar sem þú skrifar:

3. Afnám 24 ára reglunnar í útlendingalögunum

Er búið að afnema þetta með lögum ? ég var nefnilega að lesa þetta í gær. Kærastan mín er utan EES og ég er leita að aðstoð við að fá hana heim, er allstaðar að heyra það ef maður svo mikið sem gleymir einu haki í þessu pappírsflóði sem þarf að fylla út, þá getur viðkomandi verið hafnað og það taki mörg ár að fara af þeim lista. Kannski best að spurja þig hérna eða með tölvupósti, ekki gætir þú bent mér á einhvern sem gæti aðstoðað mig ?

[Gísli Hjálmar , 27.2.2008 kl. 21:02]

Þetta er flottur listi ...

... svo er bara að halda áfram góðu starfi.

[Ólafur Björn Ólafsson, 28.2.2008 kl. 00:47]

Þetta er nú brandari

"Ellilífeyrisþegar verði tryggt að lágmarki 25 þúsund krónur á mánuði frá lífeyrissjóði"

Hvað á þetta fólk að gera borða í tuttugu og fimm daga og betla síðustu daga mánaðarins.

Þá miða ég við 1000 króna máltíð á dag sem er ÓDÝRT.

Þið getið aldrey gert vel við borgarann, allt tekið í hænuskrefum sem étast upp í verðbólgunni.

Af 35 atriðum upptöldum þá eru 3 atriði sem eru skref í áttina fyrir allmenning í landinu hitt er bara til að friða hjörtu ríkisstjórnarflokkanna.

Ég hef reyndar smá tillögu. Hún er eftirfarandi.

Stefnt skal að afnámi skatta á tekjur fólks sem eldra er en 60 ára.

Allar bætur og hlunnindi sem aldraðir og öryrkjar fá ega að vera óskertar.

Þetta er sett fram með það í huga að fólkið sem er orðið 60 ára og /eða eldra er búið að greiða til samfélagsins það sem því ber.

MBK

Kaldi

[Sigurður Sveinsson, 28.2.2008 kl. 07:08]

Þetta er bara ömurlegur brandari. T.d. hafa engin stimpilgjöld verið felld niður. Fagra Ísland sokkið við bryggju. Persónuafslátturinn hækkar um 167 kr. á næsta ári. Það er engin innstæða fyrir þessum afrekalista.

[Jóhannes Ragnarsson, 28.2.2008 kl. 08:19]

Það er aldeilis eitthvað til að hreykja sér af að skella smáplástrum hér og þar á bágtið.

Ég legg til að Samfylkingin hætti þessu hvimleiða hjáleigustandi sínu og flytji sig alfarið heim á höfuðbólið með öll sín kosningaloforð. 

[Sævar Einarsson, 28.2.2008 kl. 15:25]

Ég er bara nokkuð sáttur við stjórnina, þetta slípast hægt og rólega, Róm var ekki byggð á einum degi. Ef ég ætti að kvarta yfir einhverju, þá er það þessi yfirgengilega forræðishyggja hjá Ríki og sveitafélagi.