24 ára reglan út

Það er sérstaklega ánægjulegt að í nýju frumvarpi til útlendingalaga sé gert ráð fyrir að hin svokallaða 24 ára regla fari út. Verði frumvarpið að lögum verður 24 ára aldursmarkið fellt út úr skilgreiningu á maka.

24 ára reglan var afskaplega umdeild eins alþjóð man eftir. En núna hafa stjórnarflokkarnir náð samkomulagi um að reglan sjálf fari út. En hins vegar verður kannað hvort um nauðungar- eða málamyndunarhjónaband sé að ræða þegar um er að ræða hjón undir 24 ára aldri. Sú könnun á reyndar alltaf við samkvæmt lögunum sé rökstuddur grunur um að slíkt sé fyrir hendi.

Með þessu frumvarpi stjórnarflokkanna er því bæði verið að laga útlendingalögin að núverandi framkvæmd og verið að mæta þeim röksemdum að þessi 24 ára regla hafi verið óeðlileg.

Athugasemdir

[Kristján Pétursson, 16.1.2008 kl. 17:03]

Gott að þessi heimskulegu 24 ára aldursmörk falli út úr lögunum.Þetta var vanhugsað á sínum tíma.

[Eva Kamilla Einarsdóttir, 16.1.2008 kl. 20:14]

Frábært mál!

[Svanur Sigurbjörnsson, 18.1.2008 kl. 00:36]

Heyr heyr! Gott mál og þarft.