Allir eins og Framsókn?

4.3.2007 | 11:02

Formaður Framsóknarflokksins hefur undanfarið verið að ráðleggja kjósendum að varast eftirlíkingar. Ein spurning, vill einhver stjórnmálaflokkur verða eins og Framsókn?

Flokkur: Stjórnmál og samfélag | Breytt s.d. kl. 11:04 | Facebook

Athugasemdir

Góð ábending Ágúst.

Jón Sigurðson formaður Framsóknarflokksins minnir um margt á hann Bjart kallinn í Sumarhúsum (sjálfstætt fólk H.K.L)- nema Jón ræfillinn er allt það sem Bjatur vildi ekki vera ...

Beztu kveðjur,

Gísli Hjálmar

Gísli Hjálmar (IP-tala skráð) 4.3.2007 kl. 12:06

Ég vona alla vega að félög í öðrum stjórnmálaflokkum starfi ekki eins og félag framsóknarmanna í Reykjavík Norður. Ég er í Framsóknarflokknum og í því félagi og öðrum eins ósköpum hef ég ekki kynnst í félagi sem kennir sig við lýðræði. Ég hef um margra ára skeið ekki séð örla á neinu þar sem heitir lýðræðisleg vinnubrögð í því félagi eða að áhugi sé á að hafa einhverja almenna félagsmenn, þvert á móti hefur stjórn félagsins margoft reynt á lúalegan hátt að sporna gegn því að félagsmenn hefðu áhrif eða gætu tjáð sig. Ég hugsa að ráðstjórnarríkjunum gömlu hafi verið lýðræðislegra stjórnað en því félagi. Ég er ekki að skilja hvað fólki gengur til í félagi að hafa í frammi svona sjálfsmorðsvinnubrögð. Sennilega er það sambland af heimsku og því að það er verið að tryggja hagsmuni einhverra afla. En það eru margir góðir og gegnir framsóknarmenn og það eru margir sem vilja vera á miðlínu stjórnmálanna og taka skynsamlega afstöðu. Ég ber fyllsta traust til Jóns Sigurðssonar sem er í fyrsta sæti í þvi kjördæmi sem ég bý. Það sama get ég því miður ekki sagt um Guðjón Ólaf sem er í öðru sæti. því miður hef ég ekkert séð það til hans sem getur réttlætt að honum sé sýnt eitthvað traust í stjórnmálum.

Salvör Kristjana Gissurardóttir, 4.3.2007 kl. 21:37