Í hvaða hverfi borgarinnar má finna 16 leikskóla?

Ég fór í fermingu í gær í Grafarvoginum. Sóknin í Grafarvoginum er ein sú stærsta í landinu og ég held að séra Vigfús Þór muni þurfa að ferma langt fram á sumar. Það er með ólíkindum hvað margir búa í Grafarvoginum en um daginn heimsótti ég 16 leikskóla, aðeins í því hverfi. Grafarvogurinn er orðinn um 20.000 manna byggð sem er svipaður fjöldi og er á öllu Eyjafjarðarsvæðinu.

Í fermingunni var annars heilmikið rætt við mig um þetta risastökk sem Samfylkingin tók í skoðanakönnun Gallups sem var birt í gær en flokkurinn hækkaði sig um heil 6% á einni viku. Ég er  sannfærður um að nú sé flokkurinn kominn á siglingu. Kosningabaráttan gengur mjög vel og málstaður okkar virðist ná vel til kjósenda.

Enda hefur aldrei verið eins mikil þörf á því að hugmyndir Samfylkingarinnar nái að komast til framkvæmda, hugmyndir um stórbætt kjör eldri borgara, öryrkja og barnafólks, hugmyndir um raunverulegt jafnrétti kynjanna og byggðanna, hugmyndir um öflugan þekkingariðnað og hugmyndir um ódýrara Ísland, Fagra Ísland og Unga Ísland þar sem börnin eru sett í forgang.

Að lokum minni ég á fjölskylduhátíð Samfylkingarinnar sem verður haldinn á morgun, laugardag, í Húsdýragarðinum. Allir velkomnir og ókeypis í tækin. Jibbíí. 

Athugasemdir

[Inga Lára Helgadóttir, 20.4.2007 kl. 11:33]

Hugsaðu líka út í það Ágúst (sem ég veit reyndar að þú gerir) að þegar fer að fjölga stöðugt í þjóðfélaginu og lífaldur fer hækkandi, þá er nauðsynlegt að stofnanir geri ráð fyrir því, og þeir sem stofnununum stjórna það þarf að gera áætlanir samkvæmt mannfjöldasmám til að mæta þessari aukningu

Gleðilegt sumar bloggfélagi 

[Hlynur Jón Michelsen, 20.4.2007 kl. 14:26]

 

Það var 1982 sem borgarstjóri vor og foringi Davíð Oddsson tók fyrstu skóflustunguna að nýju borgarhverfi í Grafaarvogi eftir 4 ára stöðnun í Reykjavík árana. 1978-1982 verður varla minnst í annálum framtíðarinnar nema ef vera skildi minnst á útitaflið í Lækjargötu.  

[Gísli Hjálmar (IP-tala skráð) 20.4.2007 kl. 17:29]

Ágúst ... 6 prósentustig!

Það er ekki það sama og 6% ...

kveðja,

GHS

[Inga Lára Helgadóttir, 22.4.2007 kl. 15:53]

Ertu nokkuð hættur að skrifa Ágúst Ólafur ? ég er eiginlega að bíða eftir að fá lesefni dagsins og þú skuldar mér núna nokkra daga