Hvað hefur ríkisstjórnin gert í velferðarmálum?

Mér finnst fólk ekki vera sanngjarnt þegar það segir að ný ríkisstjórn Samfylkingar og Sjálfstæðisflokks hafi ekki gert sitt í velferðarmálum á þessu tæpa ári síðan ríkisstjórnin tók við völdum. Auðvitað veit ég að margt er enn ógert en ef við lítum yfir nokkra mikilvæga áfanga sem hafa verið teknir í velferðarmálum þá sést áþreifanlegur árangur.

1. Lífeyrisgreiðslur almannatrygginga hafa hækkað um 7,4% á þessu ári eða um 9.400 krónur til þeirra sem aðeins fá óskertar greiðslur úr almannatryggingum. Þessu til viðbótar verður öllum öldruðum, sem ekki njóta a.m.k. 25.000 króna greiðslu úr lífeyrissjóði nú þegar, tryggð sérstök kjarabót sem jafngildir 25.000 króna greiðslu úr lífeyrissjóði á mánuði. Þessi greiðsla kemur sérstaklega vel þeim sem í dag njóta einungis slíkra bóta. Þegar tekið hefur verið tillit til þess að fjárhæðin skerðir aðrar bætur jafngildir þessi fjárhæð ríflega 15.000 krónum fyrir skatta sem kemur til viðbótar þeim 9.400 krónum sem 7,4% hækkun lífeyrisgreiðslna skilar til þessa hóps sem býr við verst kjörin, samtals ríflega 24.400 krónur fyrir skatta á mánuði.

2. Skerðing bóta vegna tekna maka var að fullu afnumin 1. apríl. Sem dæmi má nefna ellilífeyrisþega sem hefur 1.000.000 króna í lífeyrissjóðstekjur og maki hans hefur 6.000.000 króna í atvinnutekjur. Bætur ellilífeyrisþegans munu í júlí verða um 54.000 krónum hærri á mánuði en þær voru í desember. Alls munu um 5.800 lífeyrisþegar uppskera hærri bætur við þessa breytingu, þ.e. um 3.900 öryrkjar og um 1.900 ellilífeyrisþegar.

3. Búið er að setja 90.000 króna frítekjumark á fjármagnstekjur á ári til að draga úr of- og vangreiðslum tekjutengdra bóta. Um 90% ellilífeyrisþega og um 95% örorkulífeyrisþega hafa fjármagnstekjur undir þessum mörkum. Ef horft er til reynslu undanfarinna ára má reikna með að 7–8.000 lífeyrisþegar komist hjá skerðingum vegna þessara aðgerða.

4. Vasapeningar til tekjulausra vistmanna hafa hækkað um tæplega 30%.

5. Skerðingarhlutfall ellilífeyris hefur verið lækkað úr 30% í 25%

6. Þá mun frítekjumark vegna atvinnutekna ellilífeyrisþega 67–70 ára verða hækkað í 100.000 krónur á mánuði frá 1. júlí . Þetta þýðir að ellilífeyrisþegar geta aflað sér tekna af atvinnu upp að 1.200.000 krónum á ári án þess að það hafi áhrif til skerðingar á lífeyrisgreiðslur þeirra í stað 327.000 króna áður. Sem dæmi um áhrif þessarar breytingar á bætur ellilífeyrisþega má nefna að lífeyrisgreiðslur til einhleyps ellilífeyrisþega, sem hefur 1.200.000 krónur í árslaun af atvinnu, munu hækka um liðlega 46.000 krónur á mánuði frá desember 2007.

7. Tekjutenging launatekna 70 ára og eldri við lífeyri almannatrygginga hefur verið að fullu afnumin.

8. Hinn 1. júlí mun einnig verða sett 300.000 króna frítekjumark á lífeyrisgreiðslur örorkulífeyrisþega. Sem dæmi má nefna að ef örorkulífeyrisþegi og maki hans hafa hvor um sig 1.000.000 króna í lífeyrissjóðstekjur á ári hækka bætur örorkulífeyrisþegans um tæplega 7.000 krónur á mánuði frá febrúar með hækkun bóta og síðan aftur um tæplega 10.000 krónur í júlí vegna áhrifa frítekjumarksins, alls um 17.000 krónur á mánuði ef miðað er við desember síðastliðinn. Ef um er að ræða örorkulífeyrisþega, sem býr einn og er með 1.000.000 króna á ári í lífeyrissjóðstekjur, hækka bætur hans um tæplega 23.500 krónur á mánuði milli mánaðanna desember 2007 og júlí 2008. Um helmingur allra örorkulífeyrisþega eða um 7.000 manns mun njóta frítekjumarksins í formi hærri bóta frá Tryggingastofnun.

9. Hinn 1. júlí mun aldurstengd örorkuuppbót einnig hækka. Þannig mun einstaklingur sem metinn var til örorku 24 ára gamall fá 100% uppbót eftir breytinguna í stað 85% nú. Alls munu um 12.000 örorku- og endurhæfingarlífeyrisþegar njóta hækkunarinnar.

10. Um næstu áramót verður afnumin hin ósanngjarna skerðing lífeyrisgreiðslna vegna innlausnar séreignarsparnaðar. 

11. Sérstök nefnd er að móta tillögur um lágmarksframfærsluviðmið í almannatryggingarkerfinu og á að skila eigi síðar en 1. júlí.

12. Um áramótin tóku gildi ný lög sem fela í sér mikilvægar breytingar á greiðslum til foreldra langveikra eða alvarlega fatlaðra barna. Helstu breytingar eru um tekjutengdar greiðslur til foreldra sem hafa verið á vinnumarkaði áður en barn þeirra greindist langveikt eða alvarlega fatlað. Greiðslurnar nema 80% af meðaltali heildarlauna foreldra yfir tiltekið viðmiðunartímabil, en þetta fyrirkomulag er sambærilegt greiðslum í fæðingarorlofi. Talið er að foreldrar um 200 barna muni nú nýta sér þessar greiðslur árlega í stað færri en 10 á síðasta ári.

13. Þá hefur verið ákveðið að hækka skattleysismörkin um 20.000 krónur á kjörtímabilinu fyrir utan verðlagshækkanir .

14. Komugjöld á heilsugæslu fyrir börn hafa verið afnumin.

15. Skerðingarmörk barnabóta verða hækkuð um 50%.

16. Hámark húsaleigubóta verða hækkað um 50%.

17. Eignaskerðingarmörk vaxtabóta verða hækkuð um 35%.

18. Stimpilgjöld afnumin fyrir fyrstu kaupendur.

19.  Ný jafnréttislög hafa verið sett.

20.  Fyrsta aðgerðaráætlun fyrir börn samþykkt - Unga Ísland samþykkt.

Og við erum bara búin að vera tæpt ár í ríkisstjórn...


mbl.is Eldri borgarar fá uppbót
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Sigurgeirsson

Eini vinsæli ráðherran er jú Jóhanna svo einhverjir kunna að meta það sem gert er.

Jón Sigurgeirsson , 7.5.2008 kl. 15:41

2 Smámynd: Erna Friðriksdóttir

Er sammála þér , mér finst ekki fólk sanngjarnt í þessum málum, hvað búið er að ná í gegn og hvað koma skal.   Er þó samt fúl yfir að alltaf skal Sjálfstæðisflokkurinn hljóta heiður af öllum verkum,  hinn flokkurinn sem hann er í samstarfi með vill gleymast.  ENN ég tel að tími Jóhönnu Sigurðard sé KOMIN    ( er ekki á nokkurn hátt blóðtengd henni)........... Fólk verður að átta sig á því líka hvað Samfylking   er að gera í Ríkisstjórn, hvað hún er að gera til bóta og einnmitt fyrir mörgu hér að ofantöldu.  Annað er ekki sanngjarnt....Sjálfstæðismenn gera EKKI alla hluti eins og sumir halda

Erna Friðriksdóttir, 7.5.2008 kl. 17:06

3 identicon

Góð upprifjun Ágúst, það þarf að þylja þetta oftar og víðar.

Gísli Baldvinsson (IP-tala skráð) 7.5.2008 kl. 17:14

4 Smámynd: Baldur Fjölnisson

Það getur ýmislegt verið í lagi á einu heimili og heimilisfólkið áorkað ýmsu og móðirin jafnvel verið formaður í hannyrðafélagi Íslands þrátt fyrir að heimilisfaðirinn sé síkópat sem misnotar dæturnar.

Á mánudaginn hlustaði ég á furðulegan vitleysing á Útvarpi Sögu. Sá er formaður Landssambands Lögreglumanna hvorki meira né minna og bullið í honum var yfirgengilegt. Hann sagði blákalt að menn ættu ekki að skipta sér af átökum eða árásum sem þeir yrðu vitni að heldur þess í stað hringja í lögguna. Sækóar sem stjórna dómsmálunum vilja víst einfaldar lausnir á borð við rafbyssur og síðan önnur skotvopn enda er þeirra geðveikislega hugmyndafræði frá aðilum sem skjóta fyrst og spyrja svo.

Baldur Fjölnisson, 7.5.2008 kl. 23:03

5 Smámynd: Baldur Fjölnisson

Þetta eru alvarlegir hlutir sem varða heill og öryggi almennings. Þess vegna hvet ég alla til að verða sér úti um upptöku á þessum furðulega ruglanda. Þetta er ríkisstjórn og sjálfsagt telur samfylkingin sig ekki bera neina ábyrgð á einhverjum fasistum og jesúsækóum í henni hún bara kyssir á rassgatið á þeim valdanna vegna og er svo bara stikk frí.

Baldur Fjölnisson, 7.5.2008 kl. 23:09

6 Smámynd: Baldur Fjölnisson

Hversu lágt er hægt að leggjast?

Þessi Condi Rice hefur árum saman legið á bæn með sækónum George Bush og síðan kom ISG skríðandi á hennar fund með sérstaka gjöf frá íslensku þjóðinni. Hver er botninn á smekkleysinu? Að kyssa opinberlega á rassgatið á kengbiluðu stríðsglæpa og trúarofstækishyski?

Baldur Fjölnisson, 7.5.2008 kl. 23:16

7 Smámynd: Baldur Fjölnisson

Þegar hægt er orðið að keyra Sherman skriðdreka um afturendann á útjöskuðum hórum hvað er þá til ráða? Bjóða Mirage þotum í heimsókn? Þegar það gengur ekki lengur hvað þá?

Baldur Fjölnisson, 7.5.2008 kl. 23:19

8 Smámynd: Baldur Fjölnisson

P.S. Ég vil glaður borga 25 þúsund fyrir mynd af ISG liggjandi á bæn með sækónum Condi Rice (skv. hefð sem gildir varðandi heimsóknir til sækósins), hahahaha.

Baldur Fjölnisson, 8.5.2008 kl. 00:00

9 Smámynd: Jón Halldór Guðmundsson

Ég verð að segja það að þarna er margt gott í gangi. Kannski smáatriði, en þau geta verið stór fyrir suma.

Ég hef áhyggjur af stimpilgjöldunum. Hefði ekki verið ágætt að fella þau niður af öllum lánum? Eða fara meðp þau niður í 0,5%.

Það getur kostað töluverða rannsóknarvinnu að finna út hver er að kaupa sína fyrstu eign. Betra að falla þetta út alfarið. Þannig var kosningaloforðið sem ég hélt að fólki.

En flott samantekt og ég sé að sumir bloggarar reyna að beina athyglinni að allt öðrum málum. Af hverju, spyr ég. 

Jón Halldór Guðmundsson, 8.5.2008 kl. 01:18

10 Smámynd: Bergþór Heimir Þórðarson

Ég ætlaði nú að svara þessu hérna en svo var svarið orðið svo langt að ég sló til og ákvað loksins að byrja að blogga aftur og setti svar mitt þar inn. Getið kíkt á það hérna. 

Ég hvet þig Ágúst sérstaklega til að skoða þetta og svara.

Mbk,

Bergþór Heimir Þórðarson, 8.5.2008 kl. 03:35

11 identicon

Ég kann að meta það sem Jóhanna hefur gert og ætlar að reyna að gera.

Kann ekkert að meta annað. Því miður 

Sigrún Jóna (IP-tala skráð) 9.5.2008 kl. 13:10

12 Smámynd: Gísli Hjálmar

Takk Ágúst,

mjög þarfur pistill og vel útfærður.

Þetta er einmitt ástæðan fyrir því að maður fylgir Samfylkingunni að málum.

Gísli Hjálmar , 10.5.2008 kl. 13:52

13 identicon

Já takk æðislega fyrir hækkun lífeyrisgreiðslna, sem hækkuðu um skitinn 9000 á meðan aðrir fengu 18.000

Valsól (IP-tala skráð) 14.5.2008 kl. 06:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ágúst Ólafur Ágústsson
Ágúst Ólafur Ágústsson

Heimsóknir

Flettingar

  • Í dag (28.3.): 1
  • Sl. sólarhring: 1
  • Sl. viku: 2
  • Frá upphafi: 144237

Annað

  • Innlit í dag: 1
  • Innlit sl. viku: 2
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Leita í fréttum mbl.is

Innskráning

Ath. Vinsamlegast kveikið á Javascript til að hefja innskráningu.

Hafðu samband