Þingvallastjórn?

Viðræður flokkanna héldu áfram á Þingvöllum í dag eins og komið hefur fram í fréttum í kvöld. Þetta átti upphaflega að vera leynilegur fundur enda erfitt að mynda ríkisstjórn undir kastljósi fjölmiðlanna. Einhverjir fréttamenn voru nú engu að síður mættir á Þingvelli seinnipartinn. Fjölmiðlar voru þó furðu lengi að finna staðsetningu fundarins í ljósi þess að það eru ekki svo margir staðir sem koma til greina fyrir svona fundarhöld.

Dagurinn var tekinn snemma og við Ingibjörg Sólrún, Össur og Skúli Helgason framkvæmdastjóri flokksins vorum samferða í bíl í morgun. Það var margt skemmtilegt spjallað á Þingvallaveginum og líka á heimleiðinni seint í kvöld þó að vissulega hafi verið meiri ró yfir hópnum á heimleið, enda langur dagur að baki.

Ég finn það hvar sem ég kem að það er mikill meðbyr með nýrri stjórn Sjálfstæðisflokksins og Samfylkingarinnar. Viðeyjarstjórnin fékk nafn sitt eftir viðræður Sjálfstæðisflokks og Alþýðuflokks í Viðey. Mér þætti Þingvallastjórnin ekki vitlaust nafn á þessari ríkisstjórn ef samningar nást.

Athugasemdir

[Jón Ingi Cæsarsson, 19.5.2007 kl. 23:55]

Góður gangur í þessu....þetta er frábært lið að landa þessu fyrir okkur

[Jónína Benediktsdóttir (IP-tala skráð) 20.5.2007 kl. 00:00]

þÚ ERT OKKAR MAÐUR

[Magnús Már Guðmundsson, 20.5.2007 kl. 00:15]

Sæll félagi.

Gaman að heyra að allt gangi vel.

Keyptu þið ís á leiðinni heim? :)

Baráttukveðjur,

[Magnús V. Skúlason, 20.5.2007 kl. 09:22]

Væri ekki hægt að tala um þetta sem 'Uppstigningarstjórnina' þar sem boltinn fór að rúlla á þeim merka degi?

[Ása (IP-tala skráð) 20.5.2007 kl. 10:18]

Þú ert frábær Ágúst Ólafur!!!!! Með þig í hóp er 100% velgengni í öllum kringumstæðum!!! Yfir þér hvílir blessun Guðs, leiðsögn og kraftur til sigurs!!!

[Gísli Hjálmar , 20.5.2007 kl. 10:56]

Mikið ertu nú þjóðlegur Ágúst ... en það er líka það bezta við pólitíska-hugsjón þína- að mínu viti.

Gott að vita að það gangi vel í stjórnarmyndunar-viðræðunum hjá ykkur.

[Jóhannes Ragnarsson, 20.5.2007 kl. 11:15]

Hvaða kjaftæði er þetta. Það er búið að gefa þessari upprennandi stjórnarnefnu nafn: Baugsstjórnin.

Ég trúi vel að það hafi verið glatt á hjalla hjá ykkur bílnum á leið til Þingvalla og enginn kalinn á hjarta. Enda ekki á hverjum degi sem Stóra Íhaldið býður Litla Íhaldinu til skrafs og ráðagerða í Þingvallabænum.    

[Inga Lára Helgadóttir, 20.5.2007 kl. 11:28]

...og Þingvallarstjórn skal sú stjórn heita

[Magnús Paul Korntop, 20.5.2007 kl. 14:02]

Megi Þingvallastjórnin vera til heilla fyrir landsmenn alla.

[Guðrún Magnea Helgadóttir, 20.5.2007 kl. 15:06]

,,Dag skal að kveldi lofa og mey að morgni". Óskandi að við fáum trausta og réttláta ríkisstjórn á næstu dögum.

[Oddur Ólafsson, 20.5.2007 kl. 21:33]

Mér datt nú í hug að kalla hana Latabæjarstjórnina.  Geir Harði, Solla stirða og Þorgerður Þrumulína eru alltaf að koma sér í einhver vandræði.  Grímur glæpur er alltaf að plotta á móti þeim, en Baugsálfurinn svífur yfir öllu og stjórnar í raun atburðarrásinni.  Og svo sér hann líka til þess að allir íbúarnir borði ferskt og gott grænmeti.

[Inga Lára Helgadóttir, 20.5.2007 kl. 22:02]

Þetta var reyndar mjög góð samlíking hjá þér Oddur þetta passar alveg nákvæmlega

En ég krosslegg fingurna með ykkur Ágúst Ólafur og þetta MUN fara allt á besta vel trúi því að sem flestir verði ánægðir 

[Gunnar Skúli Ármannsson, 21.5.2007 kl. 00:04]

Sæll,

eftir þennan "kósý" bíltúr þætti mér vænt um að vita hver er er stefna Samfylkingarinnar þegar kemur að Flateyri og stjórn fiskveiða Íslendinga. Mun það fólk sem þar býr núna sjá þess merki í nýjum stjórnarsáttmála ykkar að eitthvað verði gert í þeirra málum annað en að vísa þeim á mölina. 

[Oddur Ólafsson, 21.5.2007 kl. 01:25]

Hún gæti heitið Flateyrarstjórn.

Hvernig væri að leigja rellu, fljúga til Flateyrar og klára dæmið þar?  Á milli funda gætuð þið gengið um plássið og rætt við fólkið í landinu, og gefið af ykkur þann þokka að ykkur standi ekki á sama.

En kannski myndi felast í því ákveðin viðurkenning á því að það sé ekki allt í himnalagi alls staðar.  Sennilega er auðveldara að halda bara áfram á Þingvöllum, svo þægilega nálægt bænum, en samt pínu úti á landi.  Táknmyndin  er klassísk og þrungin íhaldssemi, en alls ekki djörf.  Hitt myndi vera ferskara.  En svo gætuð þið kannski bara hringt frá Þingvöllum í  Ómar R hjá Impregilio og pantað hjá honum eins og eina Flateyringablokk í flóttamannabúðir landsbyggðarinnar á höfuðborgarsvæðinu. 

En gangi þér vel vinur í því sem þú átt eftir að taka þér fyrir hendur. 

[Karl Jónsson, 21.5.2007 kl. 11:47]

Ný ríkisstjórn VERÐUR að leggja í raunhæfar byggðaaðgerðir og leggja sitt af mörkum við að snúa þróuninni við. Ég treysti á þig Ágúst Ólafur að þú leggir okkur landsbyggðarfólkinu lið í að bæta hér búsetuskilyrði og að við þurfum ekki að neyðast til að búa annars staðar en við viljum.

[Gunnar Skúli Ármannsson, 21.5.2007 kl. 18:41]

Sæll aftur,

afstaða ykkar til vandamála landsbyggðarinnar brennur á fólki, eins og þú verður var við. Þegar rætt er um þessi mál þá virðist vera mjög lítil samúð fyrir hendi. Maður heyrir fólk segja "nú þetta fólk......" eða þá "er þetta ekki allt saman útlendingar hvort sem er..."

Samfélagsleg ábyrgð okkar er mikil. Við getum ekki sætt okkur við að heilt byggðarlag sé afgreitt sem annars flokks vara.  Við verðum að breyta hugarfarinu því augljóst er að það hefur sýkst að einhverju leiti.